Økotoksikologisk vurdering av strukturvatn basert på akutt toksisitet hos Gammarus locusta

Offentlig prosjektsammendrag

Prosjektet skal utvikle ein standardisert metode for å vurdere akutt toksisitet i biocidhaldig strukturvatn frå olje- og gassinstallasjonar som vert avvikla. I dag manglar det eigna metodar som er tilpassa norske forhold, og mange av dei biocida som har vore brukt er dårleg dokumenterte, noko som gjer kjemisk analyse krevjande. Det er behov for ein biologisk test som er både praktisk og fagleg robust. Metoden baserer seg på Tangloppa (Gammarus locusta) ein økologisk relevant art som finst langs heile norskekysten og som ikkje krev kultivering. Dette gjer testen rimeleg, feltmessig gjennomførbar og betre tilpassa norske økologi enn internasjonale laboratorieartar. Glutaraldehyd vert nytta som referansebiocid for å etablere dose–respons og LC₅₀-verdi som grunnlag for validering av metoden. Deretter skal testen brukast på reelle prøvar av strukturvatn. Resultatet vert ein reproduserbar og godkjenningsrelevant metode som styrkar miljøvurderingar ved avvikling av offshoreinstallasjonar.