Optimalisering av lagringsregime for eplesortene "Eden", "Fryd" og "Rubinstep"

Offentlig prosjektsammendrag

Målet med dette utviklingsprosjektet er å fastsette optimale lagringsforhold for å sikre best mogleg kvalitet, smaksoppleving og lagringsevne for ‘Fryd’® og ‘Rubinstep’. I samarbeid med OVA Jork skal det jobbast vidare for å utvikle optimalt lagringsregime i kontrollert atmosfære (redusert O2- nivå og forhøga CO2- konsentrasjon) i kombinasjon med ulike temperaturar, varmekondisjonering og vidare sjekke korleis sortane reagerer på tilsetjing av 1-MCP under lagring og i romtemperatur (simulert hylleliv i butikk). Ut frå resultata skal det utarbeidast protokoll med optimale parametrar for hausting og lagring eplesortene. Hensikten er å unngå indre brunfarging og fysiologiske skadar på epla før dei er konsumert. Forventa resultat er å tilby marknaden eple av høg kvalitet, redusere matsvinn, unngå reklamasjonar og dermed forbetra økonomi både til produsent og resten av verdikjeda, samt øke norsk sjølvforsyningsgrad, matberedskap og større norskandel for frukt i tråd med «Grøntløftet».