Utvikling av nye løysingar og tenester for avfallsreduksjon, ombruk og materialattvinning i Sogn.

Offentlig prosjektsammendrag

SIMAS vil med dette prosjektet utvikle og ta i bruk nye løysingar og tilbod for å redusere avfallsmengder, auke ombruk og materialattvinning for å imøtekome nye strenge krav til utsortering, ombruk og materialattvinning av avfall til avfallsbransjen. Vi ynskjer å ta eit større samfunnsansvar i det grøne skiftet og omstilling til ein sirkulær økonomi i våre eigarkommunar. Dette vil vi gjere ved å utvikle oss til å bli ein sentral pådrivar, tilretteleggar og utviklingsaktør for sirkulære verdikjeder og legge til rette for nye arbeidsplassar innan ombruk og reparasjon av avfallsprodukt og materialattvinning i regionen. Vi vil i prosjektet spele abonnentane våre gode gjennom å utvikle kunnskapsbasert og tilrettelagt informasjon gjennom digitale kanalar. Men, vi vil også spele på lag med abonnentane. Vi vil gjere dette ved å innhente erfaringsdata, meiningar, haldningar og evaluering av dei nye løysingar og tilboda innan ombruk og attvinning vi utviklar og tek i bruk. Vi vil utvikle ny, innovativ smart teknologi for registrering av ombrukne varer på miljøstasjonane våre. Måla med prosjektet er å auke i nye sirkulære løysingar for avfall i regionen, få ei auke i brukthandelen og reparasjonsmarknaden, som vil bidra til kutt i klimagassutslepp, redusere behov for produksjon av nye varer eller bruk av jomfruelege materialer og råstoff.