Nytt dyrkingssystem for engdyrking

Offentlig prosjektsammendrag

For berekraftig utvikling i landbruket er det viktig å ta store grasavling med god kvalitet. Det gir betre lønsemd, reduksjon i importert kraftfor og med det auka sjølvforsyning og betre klimaverknad for landbruket. Statestikken viser at grasavlingane har auka lite. Det er derfor stort potensiale for auke med betre dyrkingsteknikk. Dette skal i opplegget blant anna gjerast med utvikling av nytt dyrkingsopplegg som skal utnytta den lengre vekstsesongen vi har fått på grunn av klimaendring, til å oppnå større avling med god kvalitet. Det er gjort lovande forsøk med haustsåing av 1 årig-, 2 årig raigras og haustrug kvar for seg i åker, pløgt og harva. I prosjektet skal ein så desse saman med vatsåing med såharv tilpassa slik direktesåing i eksisterande eng. Haustrugen starta veksten spesielt tidleg om våren, mens ett og toårig raigras veks lenge ut over hausten. Jordbruksteljing viser at det er mykje gamal eng som gir liten avling. Dette skuldast blant anna mykje steinfull jord, som krev mykje arbeid med fornying med trdisjonell jordarbeiding. Elles er det problem med tradisjonell fornying i brattlent jord. Det skal derfor gjerast forsøk med fornying med å våtså ettårig raigras uten jordarbeiding, for å opna opp eksisterande plantedekke. Slik at ein kan oppnå god etablering med å våtså varige grasartar våren etter.