DNA-assistert foredling for høgkvalitetseple under nordiske forhold.

Offentlig prosjektsammendrag

I nordisk og norsk fruktdyrking, er eple den viktigaste produksjonen målt i volum. Marknadsdelen av nordiske sortar er over 60% både i Noreg og Sverige og etterspurnaden etter norske eple er aukande. Basert på forbrukartrendar og preferansar hjå interessentar i verdikjeda vedrørande sortseigenskapar, er det viktigaste foredlingsmålet i det norske epleforedlingsprogrammet etekvalitet (bl.a. sprøheit, saftfullheit og hardleik). I tillegg kjem kriteriar som utsjånad, holdbarheit, avlingsmengd- og stabilitet, lagringsevne og sjukdomsresistens. Epler rike på polyfenol eller anthocyanin har høg antioksidantkapasitet og med den veksande forbrukerinteressa for helsefremjande eigenskapar i frukt kan dette åpne opp for nye marknadsmoglegheiter. Tradisjonell foredling er ein tidkrevjande prosess, mykje på grunn av den lange tida det tek før frukttre kjem i bæring og normalt tek det 15 – 20 år frå kryssing til lansering av ein ny eplesort. Ny DNA-teknologi har potensiale til å auke effektiviteten ved utvikling av nye eplesortar med forbetra fruktkvalitet og god klimatilpassing. Teknikkar som dreg nytta av det nyleg kartlagte eplegenomet, er utvikling av statistiske modellar for genomisk seleksjon, og assosiasjonsstudier som inkluderar hele genomet (Genome Wide Association Studies - GWAS) for å identifisera bl.a. DNA-baserte markørar. I FoU-prosjektet skal nytten av genomiske verktøy på nordisk plantemateriale vurderast for å hjelpa fruktforedlarar å gjera velinformerte val vedrørande foreldresortar og for å kunne velja ut frøplanter med optimal fruktkvalitet utan å måtte prøva ut frukta. Ved implementering av DNA-baserte teknologiverktøy i den norske epleforedlinga, er det potensiale for å både redusera kostnader og foredlingsprosess med fleire år, for utvikling av sortar med forbetra fruktkvalitet og god klimatilpasning.