Dynamisk oppdrettsmerd

Offentlig prosjektsammendrag

At lakselusa kostar oppdrettsnæringa nær 5 milliardar kroner per år er i følgje Nofima eit nøkternt estimat. Men i tillegg fører problemet til at vidare vekst og verdiskaping i næringa er satt på vent. I enkelte produksjonsområder er veksten til og med reversert. Selstad vil gjennom dette FoU-prosjektet utvikle eit komplett nytt merdsystem: Dynamisk merd. Denne løysinga frå Selstad vil vere eit heilt nytt alternativ til bruk av skjørt. Å kunne endre djupet til merda i forhold til brakkvasslaget er avgjerande for at laksen unngår lakselusa. Dynamisk merd vil ikkje vere fiksert på eit fast djup heile tida. Dynamisk merd skal fungere som en standard overflatemerd, men som raskt kan dykke unna farar som lakselus, alge- eller manetinvasjon. Andre fordelar med denne løysinga vil vere at ein oppnår eit høgt merdvolum, og at arbeidsoperasjonar vert enklare sidan nota kan endrast tilbake til ordinær merd i overflate når ein skal ha tak i fisken. Om prosjektet lukkast vil dette gi eit verdifullt bidrag i kampen mot lakselusa, og til vidareutvikling av laksenæringa og verdiskaping på kysten.