Optimalisering av berggyltoppdrett gjennom produktutvikling

Offentlig prosjektsammendrag

Bruk av rensefisk for lusebekjempelse i laksenæringa er eit miljøvennlig tiltak, og gunstig for velferden til laksen. Det blir i dag brukt ca 60 millioner rensefisk pr år i Norge innan lakseoppdrett. Av desse er 43 millioner oppdretta rognkjeks, og berre 2 millioner oppdretta berggylt. Mengden av oppdretta Berggylt er svært låg i forhold til behovet. Berggylt er ein svært effektiv lusespiser, og det har vore stort trykk på villfanga berggylt - så stort at fangstsesongen er korta ned og kvotene redusert dei siste åra (bærekraftsutfordring). Det har igjen ført til import av villfanga fisk frå andre land – som medfører bl.a. biosikkerhet- og fiskevelferdsutfordringar. Medan oppdretta rognkjeks har ei overlevingsrate på 60-80% frå rogn til utsettklar fisk, har ein i oppdrett av berggylt til no kun klart ca 10%, bl.a. fordi denne fisken er både svært kresen og har veldig liten magesekk. Dersom den i tillegg då blir stressa i karene, er utfallet at store mengder av larver ikkje veks opp til å kunne settast ut i sjø. Prosjektet tar sikte på redusera utfordringane nemnd over, og betra overleving for oppdretta berggylt i dei ulike stadiene frå larve til utsettklar fisk, gjennom å forkusera på 4 viktige element: 1. Levendefôr 2. Weaningfasen 3. Kardynamikk 4. Stressreduserande element i og utanfor oppdrettskar og i sjø. Dette prosjektet skal bidra til å løfte kompetansen og etablere ny kunnskap og nye produkt i næringen.