Harde stål og motstandsevne mot slitasje, korrosjon og utmatting

Offentlig prosjektsammendrag

Dette SkatteFUNN-prosjektet har grunnlag i det NFR-godkjente prosjektet TailorPro (296110) i BIA-programmet. Prosjektet handlar om stål, varmebehandling av stål og problemstillingar knytta til skadetypane slitasje, korrosjon og utmatting. Målet med prosjektet for Kverneland er å utvikla nye stålslitedelar til jordbruksplogar, nye kombinasjonar av material og prosessar og ny, anvendbar kunnskap om nettopp slitasje, korrosjon og utmatting. Dette er viktig for å sikra konkurranseevna i eksisterande marknadar, koma inn på nye marknadar og produsera delar med lågare garanti- og reklamasjonskostnadar. Prosjektet vil bli gjennomført ved hjelp av konkrete aktivitetar for seks ulike delmål, som inkluderer bidrag frå både FoU-avdelinga og produksjonsavdelinga. Det tek sikte på å vera fullført i løpet av 2022.