Bruk av CT og MRI 3T ved atlanto-axial rotasjonsinstabilitet.

Offentlig prosjektsammendrag

Firda fys med senter har i ei årrekke arbeid for høgare presisjon mht diagnostikk av nakkeskadde personar. Senteret har nytta etablerte og nyutvikla manuelle testprosedyrer som del i sitt diagnostiske arbeid. Over tid har vi registrert at gjennomførte CT og MRI undersøkingar - ofte har vore gjennomført med for dårleg pre-diagnostisk arbeid - der ein ikkje har pre-formulert presise nok spørsmål ein ynskjer svar på ved ein vidare radiologisk undersøking. Vi ved vårt senter har i samarbeid med norsk spesialisthelseteneste og norske private radiologiske senter sett nærare på bruk av metodar og utstyr. Dette arbeidet har etter vår meining ikkje gitt tilstrekkeleg resultat. I dei siste 5 år har vi arbeidd meir internasjonalt der vi har søkt opp miljø - for potensielt samarbeid omkring meir presis diagnostikk etter naketraumer/ skader. Så langt viser vårt arbeid at vi har oppnådd ei forbetring av presisjon av nakkediagnostikk. Vårt senter har spesielt fokusert på atlanto axial rotasjonsinstabilitet. Dette er berre eit av fleire viktig problemområder og funksjoner som bør vurderast etter nakketraumer.