Slamhandtering Fjon BRUK

Offentlig prosjektsammendrag

Rensing av avløpsvatn og slam frå settefiskanlegg er ei utfordring i mange samanhengar, og i dag er det eit restprodukt som har høgt innhald av vatn, kan forårsaka luktproblem, som gir utfordring med rensing, lagring og bruksverdi til for eksempel gjødsel til lokale bønder. Typisk vil slikt slam ha ein tørrstoffandel på under 10% noko som gjer det utfordrande og kostbart med tanke på lagring og transport. I seinare tid er produksjon av biogass og biodrivstoff med eit restprodukt til biogjødsel og jordforbetringsprodukt vakse fram. Slammet frå settefiskanlegg har høgt innhald av protein og fett som har vist seg å setta fart på gjæringsprosessen i biogassanlegg som elles ofte er basert på matavfall og kloakk. Det har vist seg at ei viss menge slam frå settefiskanlegg er med å på auke virkningsgraden på eit slikt anlegg betydeleg. Målet med prosjekt er bruke kjent teknologi frå annan industri til å avvatne slammet på ein energieffektiv og driftssikker måte til ein tørrstoffandel på rundt 30%. Mest sannsynleg vil ein sjå på saktegåande energieffektive løysingar som pressar vatnet ut av slammet. Målet er å unngå energikrevjande utstyr som sentrifugeløysingar og elektriske tørkarar. I tillegg er det eit mål å finne dei rette tilsetningane av polymerar til å produsere eit energieffektivt og luktfritt produkt som kan ha ein marknadsverdi i energiproduksjon/biogassproduksjon og som er handterbart å transportere.